ჩიბათში მეორე მსოფლიო ომის მონაწილეთა მემორიალი გვირგვინით შეამკეს

9-05-2019

დღეს გურიის გუბერნატორის მოადგილემ, გია ებრალიძემ, ლანჩხუთის მუნიციპალიტეტის მერმა, ალექსანდრე სარიშვილმა, საკრებულოს თავმჯდომარემ, ბესიკ ტაბიძემ და სოციალური სამსახურის უფროსმა, თამარ ფირცხალაიშვილმა, ომის ვეტერანებთან, კარლო თავაძესა და გივი გალოგრესთან ერთად მეორე მსოფლიო ომის მონაწილეთა მემორიალი ჩიბათში გვირგვინით შეამკეს.

შეკრებაზე იმყოფებოდნენ ვეტერანთა საქმეების სახელმწიფო დეპარტამენტის ლანჩხუთის განყოფილების წარმომადგენლები, ადგილობრივი მაცხოვრებლები.

ჩიბათის საჯარო სკოლის მოსწავლეებმა სტუმრებს ამ დღისადმი მიძღვნილი ლიტერატურული კომპოზიცია წარუდგინეს.

გარდა ამისა, მხარისა და ადგილობრივი ხელისუფლების წარმომადგენლები ოჯახებში ესტუმრნენ ომის ვეტერანებს: ვერა მეგრელაძესა და მიხეილ ფირცხალაიშვილს და გამარჯვების 74-ე წლისთავი მიულოცეს, ჯანმრთელობა უსურვეს და სიმბოლური საჩუქრები გადასცეს.

მეორე მსოფლიო ომის მონაწილე ოთხ ლანჩხუთელ ვეტერანს ადგილობრივმა ხელისუფლებამ ფულადი თანხა, 300-300 ლარი პირად ანგარიშზე ჩაურიცხა.