გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    იანვარი 2020    »
 12345
6789101112
13141516171819
20212223242526
2728293031 

ზუგდიდის ზვიად გამსახურდიას სახელობის ბიბლიოთეკის პროექტირებაზე კონკურსი გამოცხადდა

18-05-2019

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ზუგდიდში ზვიად გამსახურდიას სახელობის ახალგაზრდული ცენტრისა და საპრეზიდენტო ბიბლიოთეკის პროექტირებასა და ზედამხედველობაზე კონკურსი გამოაცხადა.

საქართველოოს პრემიერ-მინისტრის ინიციატივით, მუნიციპალური განვითარების ფონდი „სამეგრელო-ზემო სვანეთის რეგიონში ინფრასტრუქტურის განვითარების პროგრამის“ ფარგლებში ზუგდიდში ზვიად გამსახურდიას სახელობის ახალგაზრდული ცენტრსა და საპრეზიდენტო ბიბლიოთეკას ააშენებს. 

ამ დროისთვის ზუგდიდში არ არსებობს საკმარისი ახალგაზრდული სივრცე, რომელიც მისცემს ახალგაზრდებს საშუალებას წარმოადგინონ თავიანთი იდეები, დანერგონ სიახლეები, იმუშაონ თანამედროვე სტანდარტებით და იცხოვრონ ჯანსაღ გარემოში ჯანსაღი ცხოვრების წესით. სწორედ ასეთი სივრცის შექმნის მიზნით, იგეგმება ახალგაზრდული ცენტრისა და ბიბლიოთეკის მშენებლობა, სადაც ერთ სივრცეში მოსახლეობას მიეცემა საშუალება ისარგებლოს თანამედროვე სტანდარტების ბიბლიოთეკით და მრავალფუნქციური სივრცეებით. 

პროექტის ფარგლებში მოეწყობა სამკითხველო დარბაზი, ბიბლიოთეკის არქივი, მუდმივი ან დროებითი საგამოფენო სივრცე, ტურისტებისთვის საინფორმაციო ცენტრი, სივრცე ინტერაქტიული სწავლებისთვის, კაფე და ვერანდა, რომელსაც ხედი ექნება დადიანების სასახლეზე. 

მუნიციპალური განვითარების ფონდს ზუგდიდში გარდა ბიბლიოთეკის მშენებლობისა დაგეგმილი აქვს ეკატერინე დადიანის სასახლის რეაბილიტაცია და სპორტ-კომპლექსის მშენებლობა. ასევე, ფონდი უკვე ახორციელებს ბოტანიკური ბაღის რეაბილიტაციას.