გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    სექტემბერი 2019    »
 1
2345678
9101112131415
16171819202122
23242526272829
30 

დავით გარეჯში მრევლი და სასულიერო პირები მსვლელობა-აქციას შეურთდნენ

28-05-2019

დავით გარეჯის სამონატრო კომპლექსის ტერიტორიაზე დილიდან მშვიდობიანი აქცია იმართება.


მსვლელობას მონასტრის მრევლი და სასულიერო პირები უერთდებიან.


აქციის მონაწილეთა თქმით, მათი ქმედება ემსახურება ერთადერთ მიზანს - ერთად გააგონონ აზერბაიჯანის ხელისუფლებას, რომ დავით გარეჯის ტერიტორია საქართველოს ეკუთვნის.


აქციის მონაწილეებმა სამონატრო კომპლექსს სიმბოლურად ჯაჭვი შემოავლეს და გეგმავენ, მსვლელობით ჩიჩხიტურის კოშკამდე მივიდნენ.


მშვიდობიანი აქციის ერთ-ერთი მონაწილის, ბოდბელი მთავარეპისკოპოსის თქმით, მათი მთავარი გზავნილი არის ის, რომ დავით გარეჯი არის საქართველო - წინაპრების მიერ შენარჩუნებული ტერიტორია.


„ბუნებრივია, ქართველი ერი არ დაუშვებს, რომ გარეჯს რაიმე სახის საფრთხე შეექმნას“, - განაცხადა მეუფე ეფრემმა.


ქართველი და აზერბაიჯანელი მესაზღვრეები დილიდან არიან მობილიზებული დავით გარეჯის კომპლექსის მიმდებარე ტერიტორიაზე და ადგილზე არსებული ვითარების მონიტორინგს ერთობლივად ახორციელებენ.


ადგილზე იმყოფებიან შსს-ს წარმომადგენლებიც, რომლებიც საზოგადოებრივი წესრიგის დაცვისთვის არიან მობილიზებული.