მამუკა ბახტაძემ სოფელ სადმელში ღვინის საწარმო დაათვალიერა

2-06-2019

საქართველოს პრემიერ-მინისტრმა მამუკა ბახტაძემ, რაჭაში ვიზიტის ფარგლებში, ღვინის ახალი საწარმო - ,,შატრო ველი“ დაათვალიერა.

საწარმო ამბროლაურის მუნიციპალიტეტის სოფ. სადმელში მდებარეობს. აღჭურვილია ღვინის თანამედროვე დანადგარებით, ლაბორატორიითა და ჩამოსასხმელი ხაზით.

საწარმოს მშენებლობა და აღჭურვა, რისთვისაც 1 850 000 ლარი დაიხარჯა, სოფლის მეურნეობის სამინისტროს მხარდაჭერით განხორციელდა. აქედან 32% სახელმწიფო გრანტია, 43% - შეღავათიანი აგროკრედიტი, 15% კი კერძო ინვესტიცია.

ღვინის ქარხანას, აღნიშნულ ეტაპზე, სეზონურად 60 ტონამდე ყურძნის გადამუშავების საშუალება აქვს და სამი ტიპის ღვინოს - ,,ხვანჭკარა“, ,,ოჯალეში“ და ,,ალექსანდროული“ აწარმოებს.

საწარმოში სეზონურად 10 ადმიანია დასაქმებული, რომელთაგან 2 მშობლიურ კუთხეს თბილისიდან დაუბრუნდა.