ტყიბულის მუნიციპალიტეტის სოფელ ძიროვნის ტყეში ხანძარი გაჩნდა

16-06-2019

ტყიბულის მუნიციპალიტეტის სოფელ ძიროვნის ტყეში ხანძარია.

გავრცელებული ინფორმაციით, ხანძარი ლოკალიზებულია, თუმცა ცეცხლის ლიკვიდაციას მეხანძრე-მაშველები ამ დრომდე ცდილობენ.

შსს-ს ცნობით, ცეცხლი ტყის ქვედა საფარს გაუჩნდა.

ადგილზე ამ დროისთვის მობილიზებულია ტყიბულისა და ქუთაისის სახანძრო-სამაშველო ჯგუფები – 20 მეხანძრე მაშველი, ორი სამაშველო ავტომობილი და სამი ავტოცისტერნა.

საგანგებო სიტუაციების მართვის სამსახურში აცხადებენ, რომ ხანძრის შედეგად არავინ დაშავებულა.

https://1tv.ge