ხულოში სოციალურად დაუცველი ოჯახების დასახმარებლად საქველმოქმედო კონცერტი გაიმართა

28-12-2017

ხულოს იუსუფ ზოიძის სახელობის სახელმწიფო დრამატული თეატრის შენობაში, მუნიციპალიტეტის საჯარო სკოლების მოსწავლეების ერთობლივი ორგანიზებით, საქველმოქმედო კონცერტი გაიმართა. ღონისძიებაზე მოსწავლეებმა სხვადასხვა მუსიკალური ნომრები წარმოადგინეს. დამსწრე საზოგადოებას მიესალმა ხულოს მუნიციპალიტეტის მერი გოჩა მელაძე, ახალგაზრდებს მოუწონა ინიციატივა და სამომავლოდ, მსგავსი პროექტების განხორციელებაში დახმარებას დაპირდა.

კონცერტზე შემოსული თანხით ახალგაზრდები, სოციალურად დაუცველ ოჯახებს დაეხმარებიან.

წყარო: რადიო "ათინათი"