სამართლიანად ჩატარდა თუ არა არჩევნები
რუსთავში ოთხ მაღაზიას საწარმოო პროცესი შეუჩერდა
5-07-2019
სურსათის ეროვნულმა სააგენტომ გასულ თვეში რუსთავში საწარმოო პროცესი 4 სასურსათო მაღაზიას შეუჩერა.
ობიექტებში კრიტიკული შეუსაბამობა დაფიქისრდა. ტემპერატურის კონტროლთან დაკავშირებული დარღვევებისა და სამაცივრე სისტემის გაუმართაობის გამო, მაღაზიების მფლობელები 1000 ლარით დაჯარიმდნენ. სურსათის უვნებლობის ქვემო ქართლის რეგიონული სამმართველოს ხელმძღვანელის, მირანგულა ლიპარტელიანის ინფორმაციით, სასურსათო მაღაზიები დროებით დაიხურა და ობიექტებში მუშაობა მას შემდეგ აღდგა, რაც დარღვევები გამოსწორდა.
ქვემო ქართლის მასშტაბით გასულ თვეში 89 გეგმიური და 99 არაგეგმიური შემოწმება ჩატარდა.
სურსათის ეროვნული სააგენტო სახელმწიფო კონტროლს განაგრძობს იმ ბიზნესოპერატორებთან, რომლებიც დასაქმებულები არიან სურსათის წარმოებაში.
დარღვევების აღმოჩენის შემთხვევაში კი ობიექტები 1000 ლარით დაჯარიმდებიან და საწარმოო პროცესი იქმადე შეუჩერდებათ, სანამ არ გამოასწორებენ არსებულ პირობებს.
