ძლიერი წვიმის შემდეგ გორში სამაშველო სამსახურის თანამშრომლები 7 ოჯახში გამოიძახეს

7-07-2019

უხვმა ნალექმა გორის რამდენიმე უბანში პრობლემები შექმნა. სანიაღვრე სისტემამ წყალი ამჯერადაც ვერ გაატარა და საცხოვრებელი სახლების პირველი სართულების და სარდაფების ნაწილი დაიტბორა.

საგანგებო სიტუაციების სამსახურის თანამშრომლები ბაგრატიონის ქუჩაზე მუშაობდნენ და სარდაფებიდან წყალი ამოტუმბეს.

როგორც საგანგებო სიტუაციების მართვის სააგენტოში განაცხადეს, გუშინ 112-ში გორიდან სულ 7 შეტყობინება შევიდა.

qartli.ge