სამართლიანად ჩატარდა თუ არა არჩევნები
მარნეულის თეატრალური დასის წარმატებები ქართულ და საერთაშორისო სცენაზე
15-07-2019
მარნეულის თეატრალური დასის წარმატებები ქართულ და საერთაშორისო სცენაზე.
მარნეულის მუნიციპალიტეტის „კულტურის ცენტრთან“ არსებული თეატრალური დასი გასტროლით, ახალგაზრდული თეატრების მე-10 საერთაშორისო ფესტივალზე - "ხიდი", საპატიო სტუმრის სტატუსით იმყოფებოდა, სადაც ფესტივალის საპატიო დიპლომით დაჯილდოვდა.
ფესტივალის ორგანიზატორებმა დიპლომი გადასცეს სპექტაკლის რეჟისროს გოჩა ხვიჩიასაც.
საერთაშორისო გასტროლი გახორციელდა მარნეულსა და (საქართველო) გდანსკს (პოლონეთი) შორის გაფორმებული ურთერთთანამშრომლობის მემორანდუმის ფარგლებში.
აღსანიშნავია, რომ ამჯერად, მარნეულის დასი სპექტაკლით „აირწინაღი" თბილისის საერთაშორისო თეატრალური ფესტივალის ქართულ პროგრამაშია.
აღნიშნულ სპექტაკლში დასმულია ისეთი მნიშვნელოვანი საკითხები, რომელიც ნაადრევი ქორწინების შედეგად არის განპირობებული.
ნების საწინააღმდეგო ქორწინება, ჩამორთმეული განათლების მიღების უფლება, შეზღუდული პიროვნული განვითარების შესაძლებლობა, სოციალური იზოლაცია, სიღარიბის ფემინიზაცია, გენდერული დისკრიმინაციისა და სექსუალური ძალადობის მსხვერპლი-პატარა გოგო მძიმე ისტორიით, რომელიც ადრეული ქორწინების მსხვერპლია.
სწორედ ეს თემები წამოიწია რეჟისორმა სპექტალკში და კიდევ ერთხელ შეახსენა მაყურებელს ადრეული ქორწინების მანკიერი შედეგები.
ინფორმაციას მარნეულის მუნიციპალიტეტი ავრცელებს.
