სამართლიანად ჩატარდა თუ არა არჩევნები
სოფელ ტაძრისში სახალხო დღესასწაული „ათონელობა“ აღინიშნა
15-07-2019
ბორჯომის მუნიციპალიტეტის სოფელ ტაძრისში სახალხო დღესასწაული „ათონელობა“ აღინიშნა.
დღესასწაული მე-11 საუკუნის ქართველი სასულიერო და საზოგადო მოღვაწის, მწერლის, მთარგმნელის, ათონის ივერთა მონასტრის წინამძღვრის გიორგი ათონელის პატივსაცემად გაიმართა.
დღესასწაულის ფარგლებში მოეწყო გამოფენები, ასევე სპორტული და კულტურული ღონისძიებები.
კონცერტზე მერმა ლევან ლიპარტიამ და საკრებულოს თავმჯდომარემ გიორგი გოგიჩაიშვილმა საპრიზო ადგილებზე გასული სპორტსმენები და მხარდამჭერი ორგანიზაციის ხელმძღვანელები დააჯილდოვეს.
„ათონელობის“ დღესასწაული სახალხოდ გასულ წელს აღინიშნა.
მისი ინიციატორი სოფელ ტაძრისის ადმინისტრაციული ერთეულის დეპუტატი ვიოლეტა ბალახაშვილი და ადგილობრივები იყვნენ.
მერის ლევან ლიპარტიას თქმით, დღესასწაულის აღნიშვნა ტრადიციად იქცევა და შესაბამისად, ის ყოველ წელს გაიმართება.
დღესასწაულს ადგილობრივები და ქალაქის სტუმრები დაესწრნენ.
ინფორმაციას ბორჯომის მუნიციპალიტეტი ავრცელებს.
