სამართლიანად ჩატარდა თუ არა არჩევნები
ახალციხის ციხე მულტიკულტურულ ფესტივალს უმასპინძლებს
24-07-2019
26 ივლისს, 19:00 საათზე, ახალციხის ციხეზე, ახალგაზრდული კლუბის - “SKYE PERFECT” - ორგანიზებით, „ახალგაზრდული მულტიკულტურული ფესტივალი“ გაიმართება.
ფესტივალზე წარმოდგენილი იქნება ახალგაზრდა ხელოვანების ნამუშევრები, მუსიკალური ნომრები, გამოფენილი იქნება კოლეჯ “ოპიზარის“ სტუდენტების მიერ შექმნილი ხის ნაკეთობები, ასევე - შშმ პირთა ცენტრის - „ტალიტა კუმის“ მოსწავლეთა ნამუშევრები. საღამო დასრულდება ფეირვერკით.
ფესტივალის მიზანია რეგიონში მცხოვრები ახალგაზრდა ხელოვანების პოპულარიზაცია, ახალგაზრდების ცხოვრების გამრავალფეროვნება, ჩვენს რეგიონში მცხოვრები ეთნიკურ - რელიგიური უმცირესობების კულტურის გაცნობა.
ღონისძიების პარტნიორები არიან ახალციხის მუნიციპალიტეტის მერია და ახალციხის ციხის ადმინისტრაცია.
პროექტი ხორციელდება გერმანიის საგარეო საქმეთა სამინისტროსა და გერმანიის საერთაშორისო თანამშრომლობის საზოგადოების ფინანსური მხარდაჭერით, SOS – ბავშვთა სოფელი საქართველოსა და World Vision საქართველოს პარტნიორობით.
