გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    სექტემბერი 2019    »
 1
2345678
9101112131415
16171819202122
23242526272829
30 

ჯანდაცვის მინისტრის მოადგილე ლანჩხუთის პირველადი ჯანდაცვის რგოლის წარმომადგენლებს შეხვდა

8-08-2019

დღეს ლანჩხუთის პირველადი ჯანდაცვის რგოლის წარმომადგენლებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ გაბუნია, საგანგებო სიტუაციების კოორდინაციისა და გადაუდებელი დახმარების ცენტრის დირექტორი ავთანდილ თალაკვაძე, გურიის მხარის რწმუნებული ზურაბ ნასარაია და ლანჩხუთის მერის მოადგილე ეკა გუჯაბიძე შეხვდნენ.


თამარ გაბუნიამ პირველადი ჯანდაცვის რგოლის წარმომადგენლებს ჯანდაცვის პროგრამების შესახებ ინფორმაცია მიაწოდა და სოფლის ექიმის პროგრამაში მიმდინარე სიახლეები გააცნო. მანვე ყურადღება ქრონიკული დაავადებების სამკურნალო მედიკამენტების პროგრამის მართვის გაუმჯობესებაზე, პირველადი ჯანდაცვის რგოლის სრულად ამოქმედების აუცილებლობაზე და ამ მიმართულებით გადასადგმელ ნაბიჯებზე ისაუბრა. მისი განცხადებით, პირველადი ჯანდაცვის განვითარება მნიშვნელოვანია და სამინისტრო ამ საკითხზე ინტენსიურად მუშაობს.


მისივე თქმით, სამედიცინო ხარისხის გაუმჯობესების უზრუნველსაყოფად აქტიურად მიმდინარეობს სამუშაოები პირველად ჯანდაცვაში ციფრული ტექნოლოგიების დანერგვისთვის.


მინისტრის მოადგილემ შეხვედრაზე ჰეპატიტის, შიდსისა და ტუბერკულოზის სკრინინგის ინტეგრირებულ პროგრამაზეც ისაუბრა და ადგილობრივ ხელისუფლებას მხარდაჭერისთვის მადლობა გადაუხადა.


შეხვედრა კითხვა-პასუხის რეჟიმში წარიმართა, სტუმრებმა დასმულ შეკითხვებს ამომწურავი პასუხები გასცეს.