გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ვახტანგ ცაგარელი: ქუთაისის საერთაშორისო უნივერსიტეტი არა მხოლოდ განათლების მიწოდების კუთხით არის უნიკალური, არამედ თავისი მოწყობით, არქიტექტურით, სივრცული დაგეგმარებით და ზონირებით

9-09-2019

ქუთაისის საერთაშორისო უნივერსიტეტი არა მხოლოდ განათლების მიწოდების კუთხით არის უნიკალური, არამედ თავისი მოწყობით, არქიტექტურით, სივრცული დაგეგმარებით და ზონირებით,- ამის შესახებ "ქართუ“ ჯგუფის პროექტების მართვის ხელმძღვანელმა ,, იმედის კვირასთან“ განაცხადა.

მისი თქმით, ამჟამად გახსნილია სამი სამშენებლო ფრონტი, ეს არის სტუდენტური საცხოვრებლები, პოფესორების საცხოვრებელი და სასწავლო კორპუსების ტერიტორიები.

,,გარდა გრუნტის შეცვლის სამუშაოებისა, ამჟამად სამი სამშენებლო ფრონტია გახსნილი- სტუდენტური საცხოვრებლები, პოფესორების საცხოვრებელი და სასწავლო კორპუსების ტერიტორიები . ჩვენი განაშენიანების ჯამური ტერიტორია 153 ჰექტარია, რომელიც იყოფა ზონებად . სამშენებლო ზონა ამ ტერიტორიის დაახლოებით ნახევარია , ხოლო უშუალოდ განაშენიანების ფართი 170 ათასი კვადრატული მეტრია .ეს იმ შენობების ჯამური ფართია , რომელიც პირველ ფაზაში დასრულდება და გაეშვება ექსპლოატაციაში . უმაღლეს სასწავლო დაწესებულებას , რომელიც არა მხოლოდ განათლების ხარისხის და განათლების მიწოდების კუთხით არის უნიკალური, არამედ თავისი მოწყობით, არქიტექტურით და სივრცული დაგეგმარებით და ზონირებით“,- აცხადებს ვახტანგ ცაგარელი.

ქუთაისის საუნივერსიტეტო კომპლექსი იქნება მეცნიერებისა და ტექნოლოგიების საერთაშორისო ჰაბი კავკასიის რეგიონში . ევროპული სამეცნიერო და სასწავლო სერვისების წამყვანი პროვაიდერი საერთაშორისო საგანმანათლებლო სივრცეში საქართველოს პოზიციონირების უმნიშვნელოვანეს კომპონენტად იქცევა , ამისთვის უნივერსიტეტის მენეჯმენტი მიუნხენის ტექნიკურ უნივერსიტეტთან 2017 წლიდან თანამშრომლობს .



ქუთასისთვის საუნივერსიტეტო ქალაქის ფუნქციის მინიჭების იდეა , ყოფილი პრემიერ- მინისტრის, ბიძინა ივანიშვილის სახელს უკავშირდება და მის მშენებლობას საერთაშორისო საქველმოქმედო ფონდი ,,ქართუ” სრულად აფინანსებს.