ახალციხის რეფერალურ ჰოსპიტალში ამბობენ, რომ დაზიანებები თავისა და სახის არეში აქვს მიყენებული.
"40 წლამდე ქალს კომპიუტერული ტომოგრაფიით ტვინის შერყევა დაუდგინდა. რჩება კლინიკაში და განაგრძობს მკურნალობას. როდის გავწერთ, ეს მდგომარეობაზეა დამოკიდებული", -გვითხრა კლინიკის დირექტორმა ხათუნა კეკელაშვილმა.
შინაგან საქმეთა სამინისტროში ამბობენ, რომ გამოძიება მიმდინარეობს 126-ე მუხლით, რაც ძალადობას გულისხმობს.
"ინციდენტში მონაწილე ორივე პირს გუშინვე მივაგენით. გრძელდება გამოკითხვები და საგამოძიებო მოქმედებები", - გვითხრეს საზოგადოებასთან ურთიერთობის სამსახურში.
ინციდენტი 18 სექტემბერს, ძველი ბაზრის მიმდებარედ მოხდა. გამყიდველმა ქალმა მყიდველი ქალი სცემა, რის შემდეგაც ქმართან ერთად ტერიტორია დატოვა და ხილ-ბოსტნეული მიატოვა.
