ხელვაჩაურში ძლიერი ქარის შედეგად ხე საცხოვრებელ სახლს დაეცა

22-09-2019

ხელვაჩაურში, სოფელ ახალშენში, ძლიერმა ქარმა ხე წააქცია, რომელიც ერთ-ერთ საცხოვრებელ სახლს დაეცა. დაზიანებულია ელექტროგადამცემი ხაზები, გაზის მილი და ჩაკეტილია ცენტრალური გზა.

შემთხვევის შედეგად არავინ დაშავებულა. წაქცეულმა ხემ ასევე დააზიანა საცხოვრებელი სახლის სახურავი, კედლები და რამდენიმე ოთახი. სახლის მეპატრონე დახმარებას ითხოვს.

თამაზ ბედინაძის განცხადებით, 10 წლის წინ მან ხის მოჭრა მოითხოვა, რადგან ის სახლს საფრთხეს უქმნიდა, თუმცა მოჭრის ნებართვა არ მისცეს, ასევე ერთ-ერთი მეზობელი იყო წინააღმდეგი.

https://imedinews.ge