ქართველი და უცხოელი ფოტოკორესპონდენტების ობიექტივებში ასახული აფხაზეთის ომი

26-09-2019

სოხუმის დაცემის დღესთან დაკავშირებით, 27 სექტემბერს, 16:00 საათზე  საქართველოს პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის ორგანიზებით, მოსწავლე-ახალგაზრდობის ეროვნული სასახლის სარკეებიან დარბაზში ფოტოგამოფენა გაიმართება.

გამოფენაზე წარმოდგენილი იქნება საერთაშორისო საინიციატივო ჯგუფი „აფხაზეთის“ მიერ მოწოდებული, ამერიკელი ფოტოკორესპონდენტების, ლინტონ მალკოლმისა და ჯონ ჯონსის მიერ გადაღებული აფხაზეთის ომის ამსახველი 112 ფოტო და საქართველოს ეროვნულ არქივში დაცული აღნიშნული თემატიკის  ფოტომასალა.

ღონისძიებას დაესწრებიან საქართველოს პარლამენტის თავმჯდომარის მოადგილე გიორგი ვოლსკი, საქართველოს პარლამენტის წევრები, აფხაზეთის ავტონომიური რესპუბლიკის უმაღლესი საბჭოს დეპუტატები და საქართველოს ტერიტორიული მთლიანობისთვის დაღუპული ქართველი გმირების ოჯახის წევრები.

დასწრება თავისუფალია.