გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ოქტომბერი 2019    »
 123456
78910111213
14151617181920
21222324252627
28293031 

რუსთავის სკოლებსა და საბავშვო ბაღებს პლასტმასის ნარჩენების შეგროვება-გადამუშავებისთვის 60 კონტეინერი გადასცეს

8-10-2019

რუსთავის მერია და რუსთავის ინოვაციების ჰაბი, გაეროს განვითარების პროგრამასთან (UNDP) ერთად, უცხოელი და ადგილობრივი პარტნიორი ორგანიზაციების მხარდაჭერით, პლასტმასის ნარჩენების შეგროვება-გადამუშავების ციკლის დანერგვისთვის, საპილოტე პროექტს ახორციელებენ.

პლასტმასის ნარჩენების სეპარაციის საპილოტე პროექტის განხორციელების ინიციატივა რუსთავის მერმა ირაკლი ტაბაღუამ ჯერ კიდევ ორი წლის წინ წამოაყენა. მოგვიანებით, პროექტში რუსთავის ინოვაციების ჰაბი და გაეროს განვითარების პროგრამა ჩაერთო.
პროექტის ,,მდგრადი ქალაქები ადამიანებისთვის“ ფარგლებში, რუსთავის ინოვაციების ჰაბმა, მერიამ და გაეროს განვითარების პროგრამამ (UNDP) ქალაქის სკოლებსა და საბავშვო ბაღებს, პლასტმასის ნარჩენების შეგროვებისთვის საჭირო 60 ერთეული კონტეინერი გადასცეს.
კონტეინერების გადაცემის პროცესს, #18 საჯარო სკოლასა და #10 საბავშვო ბაგა-ბაღში, რუსთავის მერი ირაკლი ტაბაღუა, მერის მოადგილე გოჩა ლორია, საკრებულოს თავმჯდომარის მოადგილე ნინო ქავთარაძე, გაეროს განვითარების პროგრამის, რუსთავის საგანმანათლებლო რესურსცენტრისა და კომპანია ,,სანიტარის’’ წარმომადგენლები დაესწრნენ.
საპილოტე ინიციატივა ხელს შეუწყობს მოსწავლეებისა და მშობლების წახალისებას ნარჩენების შეგროვების კუთხით. ამის შემდეგ, მოხდება ნარჩენების ტრანსპორტირება გადამამუშავებელ ქარხნამდე და ბოლოს, პროდუქციის წარმოება.
პროექტი მიზნად ისახავს, ინოვაციური მიდგომებით უზრუნველყოს ადგილობრივი მოსახლეობის მაქსიმალური ჩართულობა პოლიეთილენის ბოთლების შეგროვებასა და გადამუშავების პროცესში. ეკოსისტემაზე ზრუნვასთან ერთად, მთავარი მიღწევა იქნება მოქალაქეების ქცევის შეცვლა და სოციალური პასუხისმგებლობის განვითარება ადრეული ასაკიდანვე.
პროექტი ქალაქის მერიის, რუსთავის საგანმანათლებლო რესურსცენტრის, საბავშვო ბაგა-ბაღების გაერთიანებისა და ადგილობრივი ბიზნესსექტორის ხელშეწყობით ხორციელდება.
პროექტის ფარგლებში, საგანმანათლებლო, მმართველობითი, გარემოსდაცვითი და პარტნიორული ინოვაციების დასანერგად მთელი რიგი სამუშაოების ჩატარებაა დაგეგმილი.
რუსთავის ინოვაციების ჰაბი 2019 წლის აპრილში შეიქმნა.
პროექტის განხორციელება 2019 წლის სექტემბერში დაიწყო და ერთ წელი გაგრძელდება.