სამართლიანად ჩატარდა თუ არა არჩევნები
გორში სტალინის ძეგლის დადგმის მოთხოვნით „კომუნისტები“ აქციებს იწყებენ
8-10-2019
გორში სტალინის ძეგლის დადგმის მოთხოვნით „კომუნისტები“ პერმანენტულაქციებს იწყებენ.„ერთიანი კომუნისტური პარტიის“ გორის ორგანიზაციის ხელმძღვანელის, ალეკო ლურსმანაშვილის განცხადებით, პირველი აქცია 10 ოქტომბერს გაიმართება სტალინის სახლის მიმდებარე ტერიტორიაზე.
„აქციები სისტემატურ სახეს მიიღებს. ამ ეტაპზე ორი ორგანიზაცია ჩავერთვებით - „ერთიანი კომუნისტური პარტია“ და „მეგობრობა და სამართლიანობა“.ინიციატივა სწორედ ამ უკანასკნელს ეკუთვნის. აქციების გამართვა გორში იგეგმება, თუმცა, თუ სხვა ქალაქებიდანაც გამოთქვამენ სურვილს სტალინის ძეგლის დადგმის ინიციატივის მხარდამჭერები, გამორიცხული არ არის, აქციები სხვა რაიონებშიც გაიმართოს. ბუნებრივია, ჩვენი სურვილია, ძეგლი დაბრუნდეს მის პირვანდელ ადგილზე - გორის ცენტრალურ მოედანზე, მაგრამ ეს ძალზე რთულად მისაღწევია და ამიტომ, როგორც მინიმუმ, სტალინის ძეგლი უნდა დაიდგას მისი მუზეუმის მიმდებარე სკვერში, სადაც რამდენიმე წლის წინ ძეგლის დასადგმელად პიედესტალი გაამზადეს“, - განაცხადა„ინტერპრესნიუსთან“ „ერთიანი კომუნისტური პარტიის“ გორის ორგანიზაციის ხელმძღვანელმა ალეკო ლურსმანაშვილმა.
