სამართლიანად ჩატარდა თუ არა არჩევნები
ზუგდიდის მერიის ა(ა)იპ-ის თანამშრომელი შეურაცხმყოფელ კომენტარს ამჯერად თამთა თოდაძეზე აქვეყნებს
10-10-2019
ზუგდიდის მერიის ა(ა)იპ “ბიბლიოთეკების მართვის ცენტრის” დირექტორის მოადგილემ ზაზა ფარცვანიამ სექსუალური ძალადობის სავარაუდო მსხვერპლს თამთა თოდაძეს შეურაცხმყოფელი კომენტარი დაუწერა. აღნიშნულმა კომენტარმა სოციალური ქსელის მომხმარებლების უკმაყოფილება გამოიწვია. ინფორმაციას რადიო ათინათი ავრცელებს.
თავად ზაზა ფარცვანია ამბობს, რომ საკუთარი აზრის ამგვარად გამოხატვაში პრობლემას ვერ ხედავს.
“ახლა მაინც შვებულებაში ვარ. არც მახსოვს, რა დავწერე. რაც შეეხება ამ ფაქტს, პროვოკაციის სუნი უდის, თუმცა, თუ ნამდვილად მოხდა მსგავსი რამ, არც მასზე გამიჭირდება აზრის დაფიქსირება“, – ამბობს ფარცვანია.
შეგახსენებთ, რომ ზაზა ფარცვანიამ რამდენიმე დღის წინ გაფრთხილება მაქცია “სირცხვილიას“ მონაწილეების მიმართ დაწერილი შეურაცხმყოფელი პოსტის გამო მიიღო.
ცნობისთვის, თბილისის საკრებულოს წევრს “ქართული ოცნებიდან“ ილია ჯიშკარიანს საკუთარი თანაშემწე თამთა თოდაძე სექსუალური ძალადობის მცდელობასა და ცემაში ადანაშაულებს. თავად ჯიშკარიანი კი ბრალდებას უარჰყოფს.
