როგორც "პირველს" სასწრაფო სამედიცინო დახმარების ცენტრში განუცხადეს, დაშავებული ხაშურის "ახალ კლინიკაში" ძლიერი სისხლდენით შეიყვანეს. მათივე ინფორმაციით მდგომარეობა მძიმეა. ახალგაზრდა ქალი ჰოსპიტალიზაციის დროს უგონო მდგომარეობაში იმყოფებოდა.
ხაშურში, რამდენიმე წუთის წინ თამარ მეფის გამზირზე, კაცმა ყოფილი მეუღლე დაჭრა.
საქმეზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს. აღნიშნული მუხლი 7-დან 15 წლამდე თავისუფლების აღკვეთას ითვალისწინებს.
