გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ნოემბერი 2019    »
 123
45678910
11121314151617
18192021222324
252627282930 

გიორგი ქობულია: კონსორციუმს ინვესტორების მოძიების პრობლემა ჰქონდა ბევრად უფრო ადრე, ვიდრე რაიმე გამოძიება დაიწყებოდა

19-10-2019

ეკონომიკის ყოფილი მინისტრი გიორგი ქობულია აცხადებს, რომ ანაკლიის კონსორციუმს ინვესტორების მოძიების პრობლემა ბევრად უფრო ადრე ჰქონდა, ვიდრე მამუკა ხაზარაძისა და ბადრი ჯაფარიძის წინააღმდეგ გამოძიება დაიწყებოდა.

„ინვესტორების მოძიების და საინვესტიციო ვალდებულების შესრულების პრობლემა ბევრად უფრო ადრე იყო, ვიდრე დაიწყებოდა სისხლის სამართლის საქმე და დაიძაბებოდა ურთიერთობა ხაზარაძე-ჯაფარიძესა და მთავრობას შორის- განაცხადა გიორგი ქობულიამ ტვ „პირველის“ ეთერში.

მისი თქმით, ფინანსურმა ინსტიტუტებმა გარანტიები მოითხოვეს.

„ოთხი საერთაშორისო ძლიერი ფინანსური ინსტიტუტი, როგორიცაა ოპიკი, ევროპის რეკონსტრუქციისა და განვითარების ბანკი და სხვა, რომლებსაც უნდა გამოეყოთ დაფინანსება პროექტისთვის, როცა მათ შეისწავლეს პროექტის კომერციული მომგებიანობა, მოგვიბრუნდგნენ და გვითხრეს, რომ ჩვენ რომ ამაში კონსორციუმს ფული ვასესხოთ მთავრობამ უნდა მოგვცეს გარანტია , რომ ეს ფული დაგვიბრუნდებაო, რადგან ეჭვი გვეპარებაო“ - განაცხადა გიორგი ქობულიამ.

ამასთან, ქობულიამ მაგალითად მოიყვანა ფოთში ტვირთების გაფართოების ტერმინალის პროექტი, რისთვისაც ოპიკს გარანტორბი არ მოუთხოვია.

„მაგალითად ფოთში კეთდება ტვირთების გაფართოების ტერმინალის პროექტი, იქაც მონაწილეობს ერთერთი ფინანსური ინსტიტუტი, რომელმაც მონაწილეობა უნდა მიიღოს ანაკლიის პროექტში - ეს არის ოპიკი, რომელმაც გამოყო 50 მილიონი დოლარი სესხად და პრაქტიკულად არანაირი პრობლემა არ ყოფილა და პირობა არ დაუყენებია მთავრობისთვის, რომ გარანტიები მიეცა“ - განაცხადა გიორგი ქობულიამ.