პრესის მიმოხილვა
გამოკითხვა
სამართლიანად ჩატარდა თუ არა არჩევნები
გურჯაანში ხანძარს 60 წლამდე ქალი ემსხვერპლა
25-10-2019
გურჯაანში, აღმაშენებლის ქუჩაზე, გვიან ღამით ორ სართულიან საცხოვრებელ სახლში გაჩენილ ხანძარს ერთი ადამიანის სიცოცხლე ემსხვერპლა. არსებული ინფორმაციით, ხანძარი ელექტროენერგიის გაუმართაობამ გამოიწვია.
გურჯაანის მუნიციპალიტეტის მერის არჩილ ხანდამაშვილის განცხადებით, ხანძრის შედეგად დამწვარია 150 კვადრატულზე მეტი ფართობი. მისივე თქმით, ხანძრის ჩაქრობას რამდენიმე მუნიციპალიტეტის სახანძრო-სამაშველო ჯგუფი ცდილობდა.
"ქალაქ გურჯაანში დაიწვა ორსართულიანი სახლი. დამწვარია დაახლოებით 150 კვადრატულზე მეტი. შემთხვევის შედეგად, სამწუხაროდ, სამოც წლამდე ასაკის ქალბატონი გარდაიცვალა. ადგილზე მობილიზებული იყო სიღნაღის, ყვარელის, ქალაქ თელავისა და გურჯაანის სახანძრო-სამაშველო სამსახურები, რომლებმაც ოპერატიულად იმუშავეს"-განაცხადა ხანდამაშვილმა.
ინტერვიუ
