გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აგვისტო 2019    »
 1234
567891011
12131415161718
19202122232425
262728293031 

პოლიცია თელავში მომხდარ მკვლელობაში ეჭვმიტანილ 32 წლის მამაკაცს ეძებს

13-11-2017

შინაგან საქმეთა სამინისტრო თელავში, 30 წლის როლანდ დაუდაშვილის მკვლელობაში ეჭვმიტანილ 32 წლის ჯ. ჯ–შვილს ეძებს. მკვლელობა თელავში, თბილისის გზატკეცილზე, N2–ში მდებარე ავტოსახელოსნოში 8 ნოემბერს, საღამოს მოხდა. ჯ. ჯ–შვილი შემთხვევის დღიდან იმალება.

მოკლულის ახლობლების ინფორმაციით, ჯ. ჯ–შვილის ცოლს და როლანდ დაუდაშვილს წლების წინ ერთმანეთი უყვარდათ. ცოტა ხნის წინ, როლანდ დაუდაშვილმა ჯ. ჯ–შვილის საცხოვრებელ სახლთან ახლოს ავტოსახელოსნოში დაიწყო მუშაობა. ჯ. ჯ–შვილმა ივარაუდა, რომ დაუდაშვილი მის მეუღლესთან დაახლოებას ცდილობდა, რის გამოც ავტოსახელოსნოში მიაკითხა და ესროლა. როლანდ დაუდაშვილი შემთხვევის ადგილზე, სასწრაფო დახმარების მისვლამდე გარდაიცვალა.

საქმეს განზრახ მკვლელობის მუხლით კახეთის პოლიციის დეპარტამენტი იძიებს. დანაშაული სასჯელის სახით შვიდიდან თხუთმეტ წლამდე პატიმრობით ისჯება.


წყარო: reginfo.ge