პრესის მიმოხილვა
გამოკითხვა
სამართლიანად ჩატარდა თუ არა არჩევნები
მესტიასა და მარტვილში ტყის ხანძრის სალიკვიდაციო სამუშაოები გრძელდება
20-11-2019
მესტიისა და მარტვილის სოფლებში ტყის ხანძარი ლოკალიზებულია და ამ დროისთვის მისი ლიკვიდაციის სამუშაოები მიმდინარეობს. ამის შესახებ რადიო „ათიანთს“ საგანგებო სიტუაციების მართვის სამსახურში უთხრეს. ამავე ცნობით, მეხანძრე-მაშველების ჯგუფი სტიქიის ზონაში დილიდან გავიდა.
„სვანეთი, მესტიის მუნიციპალიტეტი სოფელ ცხუმარის მიმდებარედ, ტყის ქვედა საფარის ხანძარი ლოკალიზებულია. ცეცხლის არც ერთი ღია კერა არ არსებობს. მარტვილის მუნიციპალიტეტი, სოფელ სალხინოს მიმდებარედ, ტყის ქვედა საფარის ხანძარი ლოკალიზებულია. ცეცხლის არც ერთი ღია კერა არ არსებობს“, - აცხადებენ საგანგებოში.
მათივე ინფორმაციით, საქართველოს მასშტაბით ტყის ქვედა საფარის 7 კერიდან ორზე ხანძარი ლიკვიდირებულია, დანარჩენ ხუთზე სრული ლოკალიზაცია.
საგანგებო სიტუაციების მართვის სამსახური მწყემსებს, მონადირეებს, ტყეში გირჩის შესაგროვებლად შესულ ადგილობრივ მოსახლეობას, ლაშქრობის მოყვარულებს მაქსიმალური ყურადღებისკენ მოუწოდებს.
რადიო "ათინათი"
ინტერვიუ
