გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2020    »
 12345
6789101112
13141516171819
20212223242526
2728293031 

ბესიკ ამირანაშვილმა ზამთრის ტურისტული სეზონის გახსნასთან დაკავშირებით, ბაკურიანში საკოორდინაციო შეხვედრა გამართა

29-11-2019

სამცხე-ჯავახეთის სახელმწიფო რწმუნებულმა ბესიკ ამირანაშვილმა ზამთრის ტურისტული სეზონის გახსნასთან დაკავშირებით, ბაკურიანში უწყებათაშორისი საკოორდინაციო შეხვედრა გამართა.

შეხვედრას ყველა იმ სახელმწიფო უწყებისა და კერძო სექტორის წარმომადგენელი ესწრებოდა, რომელთა პასუხისმგებლობა ტურისტების უსაფრთხო და კომფორტული დასვენების უზრუნველყოფაა.

სამცხე-ჯავახეთის სამხარეო ადმინისტრაციის პრესსამსახურის ცნობით, წელს, დაბა ბაკურიანში განხორციელდა 3 კილომეტრიანი შემოვლითი გზის მშენებლობა. მოეწყო გზის სავალი ნაწილი ბეტონის საფარით, წყალგამტარი მილები, სადრენაჟე სისტემები, მიერთებები, გვერდულები და საფეხმავლო ბილიკები.

შემოვლითი გზის არარსებობის გამო, ბაკურიანში ხშირი იყო საცობები, რაც ტურისტების და ადგილობრივი მოსახლეობის კომფორტულ და უსაფრთხო გადაადგილებას უშლიდა ხელს. გზის მშენებლობის სამუშაოები 2018 წლის ივნისში დაიწყო და მიმდინარე წლის სექტემბერში დასრულდა.

"აღსანიშნავია, რომ მუნიციპალური განვითარების ფონდის მიერ ბაკურიანში ასევე არაერთი მნიშვნელოვანი პროექტი განხორციელდა, ნაწილზე კი სამუშაოები ამჟამადაც მიმდინარეობს.

დასრულდა: მიტარბისა და კოხტას საბაგირომდე მისასვლელი გზის რეაბილიტაცია; დიდველზე პარკინგის გაფართოება; ბაკურიანის ცენტრალური ბილიკისა და გზის მოწყობის სამუშაოები;

მიმდინარეობს: მრავალსართულიანი ავტოსადგომის მოწყობა; პოლიციის ახალი ორსართულიანი შენობის მშენებლობა; შემუშავდა პროექტი და შემდეგ წელს განხორციელდება ბაკურიანის რეკრეაციულ პარკში ტურისტული ინფრასტრუქტურის განვითარების სამუშაოები;

ბაკურიანი ზამთრის სეზონს სამი ახალი საბაგიროთი და ახალი სასრიალო არეალებით შეხვდება, ემატება ახალი სასრიალო არეალები. გარდა ტურისტების უკეთ მომსახურებისა, ახალი საბაგიროები ასევე გათვალისწინებულია 2023 წლის მსოფლიო ჩემპიონატისთვის"-აცხადებენ სამხარეო ადმინისტრაციაში.
უწყებათაშორისი საკოორდინაციო შეხვედრა ბაკურიანში სახელმწიფო რწმუნებულის ორგანიზებით ჩატარდა.