სამართლიანად ჩატარდა თუ არა არჩევნები
ფოთში ქმარმა 34 წლის ცოლი დანით დაჭრა
13-01-2020
ფოთში ახალგაზრდა ქალი, სავარაუდოდ, ქმარმა დანით დაჭრა.
34 წლის ქალს გადაუდებელი დახმარების ცენტრის ბრიგადამ პირველადი დახმარება ადგილზევე გაუწია, შემდეგ კი კვლევებისთვის ქალაქის ჰოსპიტალში გადაიყვანა.
ფოთის საგანგებო სიტუაციების კოორდინაციისა და გადაუდებელი დახმარების ცენტრის მორიგე ექიმის ლალი დამენიას განცხადებით. დაშავებულის მდოგმარეობა სტაბილურია და მის სიცოცხლეს საფრთხე არ ემუქრება.
„გამოძახებაზე მისულ ჯგუფს დაგვხვდა ახალგაზრდა ქალი, რომელსაც მრავლობითი დაზიანება სხეულის სხვადასხვა არეში აღენიშნებოდა, ასევე ჰქონდა ორი ნაკვეთი ჭრილობა. ადგილზე გავუწიეთ დახმარება და გადავიყვანეთ ქალაქის ჰოსპიტალში. მისი მდგომარეობა სტაბილურია. როგორც თვითონ აღწერს, დაზიანებები მიაყენა მეუღლემ", - აღნიშნა ლალი დამენიამ.
გავრცელებული ინფორმაციით, ბოროტმოქმედი უკვე დაკავებულია.
აღნიშნულ ფაქტთან დაკავშირებით გამოძიება 126-ე პრიმა მუხლის პირველი ნაწილით მიმდინარეობს, რაც ოჯახურ ძალადობას გულისხმობს და ითვალისწინებს პატიმრობას ორი წლის ვადით.
