არქიმანდრიტი ამბობს, რომ კელიაში სადაც გარდაცვლილი იპოვეს სამი ადამიანი ცხოვრობდა, რომელთაგან 2 მონასტერში თვეების განმავლობაში დადიოდა.
მისივე თქმით, პირი, რომელიც მონასტრიდან გაიქცა 18 წლის განმავლობაში ციხეში იჯდა და მას სულიერი პრობლემები ჰქონდა.
"ღამის ოთხის 15 წუთი იყო, შემოვიდა სტუმარი და მითხრა - ჩემს ოთახში მამაკაცია გარდაცვლილი. 03:30-ზე ლოცვა გვეწყება 03:15-ზე მივიდა, რომ გაეღვიძებინა, გადახადა ზეწარი და დაინახა, რომ კაცი გარდაცვლილი იყო. კისერში ჰქონდა ჭრილობა მიყენებული დანით. დავურეკეთ პატრულს და გარდაცვლილიც და მასთან ერთად მაცხოვრებლებიც წაიყვანეს, შემდეგ ვიკითხე გაქცეულს და მოკლულს თუ ჰქონდა კონფლიქტი-თქო და არაო. დაღუპული ერთი წლის განმავლობაში დადიოდა ჩემთან, გაქცეული კი წელიწადნახევრია დადის, სულიერი პრობლემები ჰქონდა და 18 წელი იჯდა ციხეში", - განაცხადა სასულიერო პირმა.
დაბა მარტყოფში, ანტონ მარტმყოფელის სახელობის ღვთაების მონასტრის კელიაში ერთი პირი მოკლული იპოვეს. მომხდარზე შინაგან საქმეთა სამინისტრომ გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს და ისჯება თავისუფლების აღკვეთით ვადით შვიდიდან თხუთმეტ წლამდე.
