სოფელ ერგეტას საბავშვო ბაღში ხანძარია

12-02-2020

ზუგდიდის მუნიციპალიტეტის სოფელ ერგეტაში, მეხანძრე-მაშველები საბავშვო ბაღში გაჩენილი ხანძრის ლიკვიდირებას ცდილობენ.

როგორც “რეგიონულ კვირას” ზუგდიდის მერიაში განუცხადეს, საბავშვო ბაღიდან ბავშვების ევაკუაცია დროულად მოხდა.

შსს საგანგებო სიტუაციების მართვის ცენტრის ინფორმაციით, მომხდარის შედეგად არავინ დაშავებულა. ამ ეტაპზე მიმდინარეობს ცეცხლის ქრობის სამუშაოები.

 ხანძრის გამომწვევი მიზეზი ჯერ-ჯერობით უცნობია.

კვირა