რვა წლის გოგო თბილისში 16 თებერვალს, საღამოს გადაიყვანეს. სამედიცინო დაწესებულებაში ამბობენ, რომ მათთან შეყვანის შემდეგ, მოზარდის მდგომარეობა არ შეცვლილა. ექიმების თქმით, ბავშვის ჯანმრთელობის მდგომარეობა სტაბილურად მძიმეა.
"პაციენტს აღენიშნება თავის ტვინის ინტრაცერებრული სისხლჩაქცევები, ხერხემლის გულმკერდის პირველი, მეორე და მესამე მალების დაზიანებები, კისრის მალის წვეტიანი მორჩების ხაზოვანი მოტეხილობა", - აცხადებენიაშვილის კლინიკაში.
ავარიისას დაშავებული კიდევ ორი ბავშვი ახალციხის კლინიკიდან გუშინვე გაწერეს. მათ ზედაპირული დაზიანებები აღენიშნებოდათ.
შემთხვევა 16 თებერვალს ქალაქ ახალციხეში, ახალქალაქის გზატკეცილზე მოხდა. მსუბუქი ავტომობილის მძღოლმა საჭე ვერ დაიმორჩილა, მანქანა მოცურდა და ხეს შეეჯახა. შემთხვევის შედეგად სამი ბავშვი დაშავდა.
