სამართლიანად ჩატარდა თუ არა არჩევნები
ზუგდიდის ბოტანიკურ ბაღში შესვლა ფასიანი ხდება
3-03-2020
ზუგდიდის ბოტანიკურ ბაღში შესვლა ფასიანი ხდება - ამის შესახებ ადმინისტრაცია განცხადებას ფეისბუკ გვერდზე ავრცელებს. ახლად რეაბილიტირებულ ბოტანიკურ ბაღში შესასვლელად 9 წლამდე ასაკის ბავშვების გარდა, ყველას სხვადასხვა რაოდენობის თანხის გადახდა მოუწევს.
საქართველოს მოქალაქეებისთვის ტერიტორიაზე შესვლა ორი ლარი იქნება, უცხო ქვეყნის მოქალაქეებისთვის კი - 5 ლარი. ამასთან, იმოქმედებს სხვადასხვა მრავალჯერადი ტარიფი.
გარდა ამისა, ბაღში კემპინგის, პარკინგის, სადღესასწაულო თუ სამუშაო სივრცედ გამოყენებად ფასიანი იქნება. ტარიფები, რომელიც სპეციალურმა კომისიამ დაადგინა, 9 მარტს ამოქმედდება. ზუგდიდის ბოტანიკური ბაღის რეაბილიტაცია, დაახლოებით, ორი წელი მიმდინარეობდა და მისთვის 12 მილიონ ლარამდე დაიხარჯა.
ასევე, ბოტანიკურ ბაღში შესასვლელად გამოიყენება მრავალჯერადი აბონიმენტიც, რომელთა ტარიფებიც საქართველოს მოქალაქეებისთვისა და უცხოელებისთვის განსხვავებულია.
