გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2020    »
 12345
6789101112
13141516171819
20212223242526
2728293031 

ქუთაისის ერთ-ერთ საჯარო სკოლაში მარიხუანის მოხმარების ფაქტი გამოვლინდა - "კურიერი" ანონიმურ წყაროს ესაუბრა

3-03-2020

ქუთაისის ერთ-ერთ საჯარო სკოლაში მარიხუანის მოხმარების ფაქტი გამოვლინდა. სასწავლო დაწესებულების სარდაფში დამადასტურებელი ფაქტები და მტკიცებულებები ერთ-ერთმა მოქალაქემ იპოვა და სურათები სოციალურ ქსელში გაავრცელა. ფაქტზე გამოძიება უკვე დაწყებულია.

"კურიერი" ესაუბრა პირს, რომელმაც ფაქტის შესახებ პირველმა დაწერა. ანონიმური წყაროს ინფორმაციით, ეს შემთხვევა პირველი არ არის და როგორც მოსწავლეები, ასევე უცნობი პირები ტერიტორიაზე მარიხუანას ხშირად მოიხმარენ. 

"დაახლოებით 2 თვის წინ აღმოვაჩინე, ისიც არასრულწლოვნის მხრიდან. მან მითხრა, რომ ასეთი რამ ხდებოდა და მოგვეხდინა რეაგირება, რადგან ცუდია, რომ საჯარო სკოლის სარდაფში მსგავსი სიტუაციაა. იქ არის ბოთლი, რომელსაც მარიხუანას მოსაწევად გამოიყენებდნენ, შპრიცები. როგორც მაქვს ინფორმაცია, ხშირად ხდება მსგავსი ფაქტები და იქ იკრიბებიან ახალგაზრდები, მოწყობილია დასაჯდომები, მაგიდა და ა.შ."- განაცხადა წყარომ "კურიერთან" საუბრისას. 

ქუთაისის მესამე განყოფილების გამომძიებლის, დეტექტივის თანაშემწე ილია კოხრეიძის განცხადებით, გამოძიება მიმდინარეობს და მის დასრულებამდე კომენტარს არ აკეთებს. 

საქმეზე გამოძიება 273-ე პრიმა მუხლით მიმდინარეობს, რაც მსუბუქი ნარკოტიკის შეძენა-შენახვა-მოხმარებას გულისხმობს.

რუსთავი2