გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აპრილი 2020    »
 12345
6789101112
13141516171819
20212223242526
27282930 

ქვეყანაში კორონავირუსის კიდევ ხუთი ახალი შემთხვევა გამოვლინდა

5-03-2020

საქართველოში ახალი კორონავირუსის კიდევ ხუთი ახალი შემთხვევა დადასტურდა.
ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ დღეს გამართულ ბრიფინგზე განაცხადა.

მისი თქმით, სახეზეა კლასტერული შემთხვევა, ანუ საქმე ერთი ჯგუფის წარმომადგენლებს ეხება და ხუთივე ახალი შემთხვევა კავშირშია იმ პირთან, რომელსაც კორონავირუსით ინფიცირება წუხელ დაუდგინდა.

შეგახსენებთ, რომ წუხანდელი შემთხვევის ისტორია იტალიაში მოგზაურობას უკავშირდება.
"აღებული ნიმუშებიდან ხუთი დადებითი აღმოჩნდა. ეს ერთი კლასტერია, ანუ ერთმანეთთან დაკავშირებული შემთხვევები. საქმე გვაქვს ერთ ჯგუფთან. ისინი ერთად გახლდნენ იტალიაში და საქართველოში კვირას დაბრუნდნენ.

დღეს არსებული მდგომარეობით ყველა შემთხვევაში დავირუსებულთა მდგომარეობა დამაკმაყოფილებელია, მხოლოდ ერთის მდგომარეობა, რომელსად დაავადება წუხელ დაუდგინდა, შედარებით საყურადღებოა"-განაცხადა ამირან გამყრელიძემ.

მისივე თქმით, ინფიცირებულთა შორის მცირეწლოვანი ბავშვები არ არიან.

ამ დროის მონაცემებით, ქვეყანაში კორონავირუსით უკვე ცხრა ადამიანია დაავადებული.