გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აპრილი 2020    »
 12345
6789101112
13141516171819
20212223242526
27282930 

ჩვენ მოვნახავთ ყველას ვინც საჭიროა, დანარჩენები წყნარად, მშვიდად იყვნენ - პაატა იმნაძე გუდაურის შემთხვევაზე

16-03-2020

დაავადებათა კონტროლის ცენტრის სამეცნიერო ხელმძღვანელმა, პაატა იმნაძემ იმ ჩეხ ტურისტზე ისაუბრა, რომელიც გუდაურში ისვენებდა და რომელსაც სამშობლოში დაბრუნების შემდეგ, კორონავირუსი დაუდასტურდა. 

პაატა იმნაძის თქმით, ჩეხმა ტურისტმა მათ მჭიდრო კონტაქტების შესახებ დეტალური ინფორმაცია მიაწოდა, რაც რისკჯგუფში მყოფი მოქალაქეების მოძიებას აიოლებს. 

"პირველ რიგში, მინდა მადლობა გადავუხადო იმ ჩეხ ტურისტს, რადგან ისე დეტალურად გამოგვიგზავნა თავისი ისტორია საქართველოში მოგზაურობის შესახებ, თავისი ფოტოსურათებით, რომ ძალიან გაგვიადვილა საქმიანობა და იმ ადამიანების მოძიება, ვინც იყვნენ მასთან მჭიდრო, ახლო კონტაქტში  დროის გარკვეულ მონაკვეთში. რაც შეეხება დანარჩენს, ვინც გუდაურში იყო, ვიცი, რომ ამასთან დაკავშირებით პანიკაა ატეხილი. გუდაურში ყოფნა არ ნიშნავს, რომ ამ ადამიანს იქ ვინმე ჩაეხუტა. ჩვენ მოვნახავთ ყველას, ვინც არის საჭირო. დანარჩენები წყნარად, მშვიდად, იყვნენ. თუ ძალიან ნერვიულობენ, თვითიზოლაციაში და თუ რაიმე სიმპტომები გამოუმჟღავნდებათ, ამ შემთხვევაში, შეუძლიათ მიმართონ სამედიცინო სამსახურებს,"- განაცხადა პაატა იმნაძემ.

პაატა იმნაძემ აღნიშნა, რომ მიუხედავად კორონავირუსის დადასტურებისა, ჩეხი ტურისტი საკუთარ სახლში გადის მკურნალობას, რადგან სტაციონარული მომსახურეობა არ ესაჭიროება. 

rustavi2