გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აპრილი 2020    »
 12345
6789101112
13141516171819
20212223242526
27282930 

დიმიტრი ხუნდაძე: „ეპიდემიასთან დაკავშირებით, ევროპასთან შედარებით, საქართველოში სიტუაცია ბევრად კონტროლირებადია“

17-03-2020

ქვეყანაში კორონა ვირუსის ეპიდემიის ვითარებასთან დაკავშირებით, პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ ტელეკომპანია „პირველის“ ეთერში ისაუბრა. მისი განცხადებით, ეპიდემიასთან დაკავშირებით, ევროპასთან შედარებით, საქართველოში სიტუაცია ბევრად კონტროლირებადია.


„პრემიერ-მინისტრის ხელმძღვანელობით ჩვენ ყოველდღიურად ვიკრიბებით საკოორდინაციო საბჭოს ფორმატში, სადაც ყველა უწყების წარმომადგენლები, ყველა პასუხისმგებელი სამსახურის უფოსები არიან და ხდება არსებული ვითარების შეფასება. ეს შეხვედრები დღეში რამდენჯერმე იმართება და არის სიტუაციის სრული კონტროლი. შეხვედრებზე საგანგებო ვითარების გამოცხადება, ამ დეფინიციით, არ ყოფილა, მაგრამ მისი შემადგენელი ძალიან დიდი ნაწილი განხორციელდა. ჩვენ ძალიან ბევრ ქვეყანას დავასწარით და სწორედ ამიტომ შედეგი არის სასურველი. ყოველდღიურად ხდება ამ საკითხების განხილვა და რეალობის შეფასება. საგანგებო სიტუაციას აქვს თავისი უარყოფითი ეფექტებიც და ჩვენ გვაქვს ორი ძირითადი მიმართულება დასაძლევი - პირველი, არ გავრცელდეს ვირუსი და მოსახლეობის ჯანმრთელობას არ მიადგეს ზიანი და მეორე, კორონა ვირუსი არა მხოლოდ ჯანდაცვის კუთხით არის ზიანის მომტანი, არამედ ეკონომიკასაც ძალიან დიდ ზიანს აყენებს. შესაბამისად, ჩვენ არ გვინდა რეგულაციები იყოს იმდაგვარი, რომ შემდგომ შეუქცევადი პროცესები მივიღოთ. ყოველდღიური შეფასების შედეგად ვიღებთ და შემოგვაქვს ახალი და ახალი გამკაცრებული რეგულაციები და ჩვენ გვინდა, რომ თითოეული ეს რეგულაცია იყოს სწორად გაწერილი“, - განაცხადა დიმიტრი ხუნდაძემ.


კომიტეტის თავმჯდომარემ ტესტების, ეკიპირების, მედიკამენტების მარაგებზეც ისაუბრა და აღნიშნა, რომ ჯანმრთელობის მსოფლიო ორგანიზაციის სტანდარტების შესაბამისად ქვეყანა მუშაობს, რომ 3-4 თვის მარაგი იქონიოს.


„ჩვენ ვიხილავთ ყველა სცენარს, მათ შორის ყველაზე რთულსაც და ამიტომ ვსაუბრობთ ციფრებზე. იგეგმება დეცენტრალიზაციაც, რომ არ მოხდეს მხოლოდ ლუგარის ლაბორატორიაზე დაწოლა და პარალელურ რეჟიმში ვმუშაობთ, რომ სწრაფი დიაგნოსტიკის კიდევ უფრო მეტიე.წ. ტესტები იქნას ქვეყანაში შემოტანილი“, - აღნიშნა დიმიტრი ხუნდაძემ.​