კასპში მოხალისეები უმწეო ბენეფიციარებს ეხმარებიან

18-03-2020

კასპის მუნიციპალიტეტის მერიამ ქალაქში მოქმედ უმწეო მოქალაქეთა უფასო სასადილოს ბენეფიციარების ბინაზე მომსახურეობასთან დაკავშირებით გადაწყვეტილება მიიღო.

16 მარტიდან, კასპელ მოხალისე ახალგაზრდებს მათთან სადილი ბინაზე მიაქვთ. მოხალისეები 80 ბენეფიციარს უსაფრთხოების ყველა წესის დაცვით და შესაბამისი ეკიპირებით ემსახურებიან.

კასპის მუნიციპალიტეტის მერია მადლობას უხდის ი/მ „სერგო ჯოჯიშვილ“-ს შპს „თიემთი“-ს (თამაზ მერებაშვილი), სს „ჰაიდელბერგცემენტის (ზ. სადუნიშვილი),შპს „მარიმედი“-ს (მ. ბერიძე) ხელმძღვანელებს აღნიშნულ ღონისძიებაში თანადგომისთვის.