გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2020    »
 12345
6789101112
13141516171819
20212223242526
2728293031 

70 წელს გადაცილებულ, მარტოხელა პენსიონრებს პირბადეები დაურიგდებათ

22-03-2020

ხვალიდან, 70 წელს გადაცილებულ მარტოხელა პენსიონრებს პირბადეებს დავურიგებთ, - ამის შესახებ ეკონომიკისა და მდგრადი განვითარების მინისტრმა ნათია თურნვამ მთავრობის ადმინისტრაციაში უწყებათაშორისო საკოორდინაციო საბჭოს ეკონომიკური გუნდის შეხვედრის შემდეგ მედიასთან განაცხადა.
როგორც მინისტრმა აღნიშნა, საქართველომ რეკორდულად მოკლე დროში და ძალიან სწრაფად შეძლო პირბადეების ადგილობრივი წარმოების დაწყება.

„ ეს წარმოება უკვე გამართულია და პროგრამაში საკმაოდ ბევრი სამკერვალო ქარხანაა ჩართული. როგორც კი ნედლეულის რითმულ მიწოდებას ავაწყობთ, რაც ასევე პრობლემაა, რადგან ქვეყნები უფრთხიან ნედლეულის გატანას, ჩვენ უკვე შევძლებთ, მასობრივი წარმოების დაწყებას. თუმცა, რასაც დღეს ვაწარმოებთ კონკრეტული შეთანხმებული პრიორიტეტებით, ვანაწილებთ იმ კატეგორიებზე, ვისაც ყველაზე მეტად სჭირდება. პირველ ეტაპზე, პირბადეები 70 წელს გადაცილებულ მარტოხელა პენსიონრებს დაურიგდება“, - აღნიშნა ნათია თურნავამ და დასძინა, რომ უკვე შემდეგ, ეტაპობრივად დარიგდება იმ კატეგორიაზე, ვისაც სამსახურებრივი მოვალეობის გამო ხშირად უწევს სხვა ადამიანებთან შეხება, მათ შორის მედიის წარმომადგენლებისთვისაც.