ოზურგეთის ქუჩებში სადეზინფექციო სამუშაოები ჩატარდა

9-04-2020

კორონავირუსის საპრევენციო ღონისძიებების ფარგლებში, ოზურგეთის ქუჩებში სადეზინფექციო სამუშაოები ჩატარდა. სპეციალური ხსნარით დამუშავდა ცენტრალური ქუჩები, მაღაზიებისა და სააფთიაქო ქსელების მიმდებარე ტერიტორიები. ქუჩები წყლის ჭავლით მოირეცხა. სამუშაოების მიმდინარეობას გურიის მხარისა და ადგილობრივი ხელისუფლების წარმომადგენლები გაეცნენ. „ გურიის რეგიონში ვაგრძელებთ სადეზინფექციო სამუშაოებს. დეზინფექცია ჩაუტარდა ოზურგეთის ქუჩებს, სამუშაოები ლანჩხუთში და ჩოხატაურშიც ჩატარდება, რათა ჩვენმა მოქალაქეებმა თავი უსაფრთხოდ იგრძნონ. რეგიონში დეზინფექცია მრავალბინიან სახლებს, საჯარო სკოლებს, საბავშო ბაღებს, ღია სივრცეებს და სხვადასხვა დაწესებულებს ჩაუტარდა“- განაცხადა გურიის სახელმწიფო რწმუნებულმა ზურაბ ნასარაიამ. სამუშაოები ოზურგეთის ა.(ა).ი.პ. "ოზურგეთის მუნიციპალიტეტის მომსახურების ცენტრმა" და შინაგან საქმეთა სამინისტროს საგანგებო სიტუაციების მართვის სამსახურმა ერთობლივად განახორციელეს.