გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მაი 2020    »
 123
45678910
11121314151617
18192021222324
25262728293031

კახეთში სეტყვის საწინააღმდეგო სისტემამ სეტყვასაშიში ღრუბლები გაანეიტრალა

21-04-2020

კახეთში სეტყვის საწინააღმდეგო სისტემამ 2020 წლის სეზონზე პირველი სროლები განახორციელა.
ბუნებრივ მოვლენებზე აქტიური ზემოქმედების ცენტრის მიერ 20 აპრილს კახეთის რეგიონში, სეტყვის საწინააღმდეგო სისტემის ინტენსიური გამოყენებით 255 კმ2 მდე საერთო ფართობის სეტყვასაშიში ღრუბლის მასები დამუშავდა რისთვისაც სისტემამ 70-მდე რაკეტა გაისროლა.

დღის მეორე ნახევრიდან რეგიონში ფრონტალური ღრუბლის მასები სამხრეთ-დასავლეთ მიმართულებიდან შემოვიდა და ეტაპობრივად მოიცვა ახმეტის, თელავის და ყვარლის რაიონები. კრიტიკულ ეტაპზე სეტყვის მოსვლის ალბათობამ 100 % შეადგინა, მოსალოდნელი მარცვლების დიამეტი 21 მმ იყო.

აქტიური ზემოქმედების ცენტრის მიერ 14:53 საათიდან 18:07 საათამდე სეტყვასაშიში ნალექის მასები რამდენიმე ეტაპად დამუშავდა.

ზემოქმედების შედეგად ნალექის სრული მასა სასოფლო-სამეურნეო სავარგულების თავზე წვიმის სახით ჩამოიცალა.