გორში იანვარში ჩუტყვავილას 68 შემთხვევა დაფიქსირდა

21-02-2018

მიმდინარე წლის იანვარში გორში, ჩუტყვავილათი დაავადების 68 შემთხვევა დაფიქსირდა. ამის შესახებ შიდა ქართლის საინფორმაციო ცენტრს საზოგადოებრივი ჯანდაცვის ცენტრის ეპიდემოლოგმა ნელი ამბოკაძემ განუცხადა.

მისი განმარტებით, თებერვლის მონაცემები მუშავდება და ის, იანვართან შედარებით, მაღალი იქნება.

გასულ, 2017 წელს, გორის მუნიციპალიტეტში, სულ 200 შემთხვევაა გამოვლენილი, აქედან 89 ქალაქში, ხოლო 111 შემთხვევა რაიონში.

ცენტრის მონაცემებით, დაავადების მატარებელი ძირითადად 1-დან 14 წლამდე ასაკის ბავშვები არიან.

qartli.ge