გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივნისი 2020    »
1234567
891011121314
15161718192021
22232425262728
2930 

ლანჩხუთში ინფრასტრუქტურული პროექტები ჯანდაცვის სამინისტროს რეკომენდაციებით მიმდინარეობს

23-05-2020

ლანჩხუთის მუნიციპალიტეტში ინფრასტრუქტურული პროექტების განხორციელება ჯანდაცვის სამინისტროს რეკომენდაციების შესაბამისად მიმდინარეობს.

სოფელ ლესაში წყლის რეაბილიტაცია გრძელდება. პროექტის ფარგლებში მოეწყობა ცენტრალური მაგისტრალი და სათავე ნაგებობა, რის შედეგადაც 500 ოჯახი 24 საათიანი წყალმომარაგებით იქნება უზრუნველყოფილი. სამუშაოები 700 000 ლარით ფინანსდება.

ქალაქის 9 ქუჩაზე რკინა-ბეტონის სანიაღვრე არხები მოეწყობა. ამ დროისთვის სამუშაოები ებრალიძის, თავდიშვილისა და წერეთლის ქუჩებზე ტარდება. პროექტის ღირებულება 1 170 000 ლარს შეადგენს.

ქალაქის სამ ქუჩაზე (კუპრეიშვილი, კვირკველია, გორგასალი) დასრულდა მრავალბინიანი სახლების გადახურვა, რისთვისაც რეგიონებში განსახორციელებელი პროექტების ფონდიდან 390 000 ლარი დაიხარჯა.

დასკვნით ეტაპზეა ბავშვთა საფეხბურთო აკადემიის მშენებლობა. რომელიც ფეხბურთის ფედერაციისა და ლანჩხუთის მუნიციპალიტეტის ერთობლივი პროექტია. ამ დროისთვის ეზოს კეთილმოწყობისა და გარე განათების სამუშაოები მიმდინარეობს.

მიმდინარე პროექტები ლანჩხუთის მერმა, ალექსანდრე სარიშვილმა და საკრებულოს თავმჯდომარე, ბესიკ ტაბიძემ ადგილზე დაათვალიერეს.