სამართლიანად ჩატარდა თუ არა არჩევნები
"დატოვე პარლამენტი ქუთაისში" - ამ ლოზუნგით ქუთაისის პარლამენტთან აქცია-პერფორმანსი გაიმართა
29-06-2020
"დატოვე პარლამენტი ქუთაისში"- ამ ლოზუნგით ქუთაისის პარლამენტთან სხვადასხვა პროფესიის და პოლიტიკური პარტიების წარმომადგენლები შეიკრიბნენ. მათი მთავარი მოთხოვნა საკანონმდებლო ორგანოს ქუთაისში დაბრუნებაა. შეკრებილები მსგავსი აქცია-პერფომანსის გამართვას მომავალშიც გეგმავენ.
მათ სპეციალური ვიდეორგოლი გადაიღეს, რომელითაც ქუთაისელი აქტივისტები ამბობენ, რომ საპარლამენტო არჩევნებში მხარს მხოლოდ იმ პოლიტიკურ ძალებს დაუჭერენ, რომლებიც ქუთაისში პარლამენტის დაბრუნების პირობას დადებენ.
"ჩვენ მოვუწოდებთ პოლიტიკურ პარტიებს, რომ დაუჭირონ მხარი ქუთაისში პარლამენტის დაბრუნებას და ყველა ის პოლიტიკური პარტია, რომელიც ამას გაითვალისწინებს და გაწერს საარჩევნო პროგრამაში, იქნება მოძრაობის მხრიდან მხარდაჭერილი,"- განაცხადა აქციის ერთ-ერთმა მონაწილემ, სამეცნიერო კლუბის "თაობათა დიალოგის" წარმომადგენელმა ნუგზარ კოხრეიძემ.
