სამართლიანად ჩატარდა თუ არა არჩევნები
შოთა რეხვიაშვილი: გარდაბნის მუნიციპალიტეტში თუ კორონავირუსის გავრცელება მასშტაბური იქნება, არ არის გამორიცხული, შეზღუდვები დაწესდეს
21-07-2020
თუ გავრცელება მასშტაბური იქნება, არ არის არაფერი გამორიცხული, რომ შეზღუდვები დაწესდეს, - ამის შესახებ ქვემო ქართლში სახელმწიფო რწმუნებულმა, შოთა რეხვიაშვილმა ჟურნალისტებს განუცხადა.
მისივე თქმით, ამ მომენტისთვის გარდაბნისმუნიციპალიტეტში კორონავირუსით ინფიცირების სულ 23 შემთხვევაა აღრიცხული.
„გარდაბნის მუნიციპალიტეტში კოვიდ 19-ის შემტხვევების გავრცელების ფაქტები 8 ივლისიდან დაფიქსირდა. გარდაბანში არის დასახლება ლელაშხა, სადაც აბიტურიენტს და ოჯახის წევრს, ასაკოვან ქალბატონს, დაუდასტურდათ დაავადება. შემდეგ უკვე საკარანტინე სივრცეებში ამ ოჯახიდან კიდევ სამი დადასტურებული შემთხვევა დაფიქსირდა. ყარაჯალარში და ყარათაკლიაში ასევე დადასტურდა ინფიცირების ფაქტები. ჯამში ამ ეტაპისთვის 23 ფაქტია დადასტურებული და ჩვენ დავიწყეთ ყარაჯალარში 6 სამედიცინო ბრიგადის მეშვეობით დღეს უკვე მიმდინარეობს ფართომასშტაბიანი კვლევები, რათა გავარკვიოთ, რა მდგომარეობაა. ამის შემდეგ კი მივიღებთ გადაწყვეტილებას“, - განაცხადა რეხვიაშვილმა.
მისივე თქმით, ლუგარის ლაბორატორიიდან ჩამოსულია სამი ჯგუფი და ეპიდკვლევა 6 კონკრეტულ ადგილზე დაიწყო.
„ორგანიზებულად გამოგვყავს ხალხი. ვვარაუდობთ, რომ სადღაც 600-დან 700-მდე ადამიანი ჩააბარებს ანალიზს და დაველოდებით შედეგებს. ამ პერიოდის მანძილზე საკმაოდ დიდი რაოდენობის კვლევებია ჩატარებული. გუშინაც საკარანტინე სივრცეში ამ სოფლიდან დაემატა სამი დადასტურებული ფაქტი, საერთო ჯამში დღეს ყარაჯალარში 14 დადასტურებული ფაქტია და ყარათაკლიაში - 4. სულ საერთო ჯამში 18 და მუნიციპალიტეტში 23. დღეს ჩატარებულ ტესტირებასთან დაკავშირებით პასუხები იქნება ხვალ. თუ გავრცელება მასშტაბური იქნება, არ არის არაფერი გამორიცხული, რომ იყოს დაწესებული შეზღუდვები“, - განაცხადა შოთა რეხვიაშვილმა.
საქართველოში კორონავირუსის 10 ახალი შემთხვევა გამოვლინდა, გამოჯანმრთელდა სამი პაციენტი. ამის შესახებ ინფორმაცია მთავრობის სპეციალურ ვებგვერდ stopcov.ge-ზე განახლდა.
ვებგვერდის ინფორმაციით, ამ დროისთვის საქართველოში კორონავირუსის 1 049 შემთხვევაა დადასტურებული. გამოჯანმრთელდა კიდევ სამი პაციენტი – სულ გამოჯანმრთელებულთა რაოდენობა 903-ს შეადგენს.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
