გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2021    »
1234567
891011121314
15161718192021
22232425262728
293031 

ღარიბაშვილი: დესტრუქციული ოპოზიციის პოლიტიკური ველიდან გაყვანა საერთო ეროვნული ამოცანა უნდა გახდეს

15-08-2020

„მინდა გავიმეორო, კიდევ ერთხელ შევახსენო ჩვენს დესტრუქციულ ოპონენტებს - ახალგორი, კოდორი, ათიათასობით დევნილი მოსახლეობა, რომელიც დღეს გაუსაძლის პირობებში ცხოვრობს“, - ამ სიტყვებით მიმართა საზოგადოებას პარტია „ქართული ოცნების“ პოლიტიკურმა მდივანმა, საქართველოს თავდაცვის მინისტრმა ირაკლი ღარიბაშვილმა გურჯაანში პარტია „ქართული ოცნების“ მაჟორიტარობის კანდიდატის დავით სონღულაშვილის წარდგენისას.

თავდაცვის მინისტრმა მშვიდობის უალტერნატივობაზე ისაუბრა და აღნიშნა, რომ წინა ხელისუფლებამ საქართველოს მოსახლეობა ვერ აარიდა 2008 წლის ომს.

„ჩვენი ოპონენტები გვსაყვედურობენ, რატომ ვიხსენებთ წარსულს. ჩვენ ყოველთვის შევახსენებთ მათ ამ მძიმე წარსულს და მძიმე შეცდომას კი არა დანაშაულს, მანამ, სანამ ეს ადამიანები არ მოიხდიან ბოდიშს თითოეული ქართველის წინაშე“, - განაცხადა ირაკლი ღარიბაშვილმა. მისი განმარტებით, დესტრუქციული ოპოზიცია პოლიტიკური ველიდან უნდა განიდევნოს. „საერთო ეროვნული ამოცანა უნდა გახდეს ყველა, ნებისმიერი, სახელების გარეშე, დესტრუქციული ოპოზიციის თუ პოლიტიკური ძალის პოლიტიკური ველიდან გაყვანა“, - აღნიშნა ირაკლი ღარიბაშვილმა.