სამართლიანად ჩატარდა თუ არა არჩევნები
ქალაქ ონში ფესტივალი ეთნო - ონი ჩატარდა
28-08-2020
ქალაქ ონში, გიგა ჯაფარიძის სახელობის ბულვარში, ფესტივალი ეთნო - ონი ჩატარდა. ფესტივალი დაფინანსებული იყო გაეროს განვითარების პროგრამის UNDP- ს მიერ, "ქალთა ეკონომიკური გაძლიერება რაჭა-ლეჩხუმსა და ქვემო სვანეთში" პროექტის ფარგლებში.
ღონისძიებას ესწრებოდნენ რაჭა-ლეჩხუმ-სვანეთის მაჟორიტარი დეპუტატის, გოჩა ენუქიძის ბიუროს წარმომადგენლები სახელმწიფო რწმუნებულის მოვალეობის შემსრულებელი გიორგი მაქარაშვილი, ადგილობრივი ხელისუფლების წარმომადგენლები, სტუმრები.
ფესტივალი გამოფენებით გაიხსნა. დღესასწაულის ფარგლებში მთელი დღის განმავლობაში დაგეგმილი იყო სხვადასხვა სახის ღონისძიება:
რაჭული ფოლკლორის ზეიმი;
რაჭული სამზარეულოს დაგემოვნება;
ქართველი კალიგრაფების ჯგუფის გამოფენა დამთვალიერებეს საშუალება ქონდა ადგილზე ენახა შთამბეჭდავი ნამუშევრები და მონაწილეობა მიიღო რეწვის სახელოსნო "ედენას " საჩვენებელ სწავლებებში სხვადასხვა მიმართულებით.
მოეწყო ახლაგაზრდა ონელი მოქანდაკის ზაურ გამყრელიძის ნამუშევრების გამოფენა და ანსამბლ"ძირიანის" კონცერტი.
ფესტივალი ეთნო - ონი წელს პირველად ჩატარდა და ღონისძიების ორგანიზატორები იყვნენ გაეროს განვითარების პროგრამის UNDP- ს მიერ, "ქალთა ეკონომიკური გაძლიერება რაჭა-ლეჩხუმსა და ქვემო სვანეთში" პროექტის წარმომადგენლები ლილიანა მაისურაძე და ინგა მეტრეველი - გამყრელიძე.
