გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ნოემბერი 2020    »
 1
2345678
9101112131415
16171819202122
23242526272829
30 

გორში მოსახლეობა მასობრივად მოიწამლა, ვარაუდობენ, რომ მიზეზი სასმელი წყალია

5-10-2020

გორში მოსახლეობის გარკვეული ნაწილი მასობრივად მოიწამლა. განსაკუთრებული სიმძიმით ინტოქსიკაცია ბავშვებში გამოვლინდა.

არსებული მონაცემებით, ბავშვთა საავადმყოფოში 50-მდე არასრულწლოვანია მოთავსებული. ექიმის განცხადებით, მათ დიარეა და გულისრევის სიმპტომები აღენიშნებათ.

„მთავარი არხის“ ინფორმაციით, ყველა პაციენტი ერთი ლოკაციიდან - კომბინატის დასახლებიდანაა. ადგილობრივი მოსახლეობა ვარაუდობს, რომ მასობრივი ინტოქსიკაციის მიზეზი სასმელი წყალია, რადგან წყლის ხარისხზე ეჭვები ამ შემთხვევამდეც არსებობდა.

„გასული დღის მანძილზე, კლინიკას მომართა 46-მა პაციენტმა, რომელთაც ერთი და იგივე ჩივილები აქვთ: გულისრევა, ღებინება და მუცლის ტკივილი. აღნიშნულს მშობლები უკავშირებენ საკვებს, წყალს, ან ვირუსს. 16 პაციენტი მკურნალობას პედიატრიულ განყოფილებაში გადის, 23 პაციენტი კი გადაუდებელი დახმარების განყოფილებაში მოთავსდა, რის შემდეგაც ნორმალური მდგომარეობით გაეწერნენ“, -განაცხადა ექიმმა.

საქართველოს წყალმომარაგების კომპანიაში ამბობენ, რომ მომხდართან დაკავშირებით უკვე შესაბამისი ზომები მიიღეს და წყლის სინჯები აღებულია, როგორც კომბინატის დასახლებაში, ასევე გორის წყლის სათავე ნაგებობაზე. სწორედ ამ სინჯების პასუხების შემდეგ გახდება ცნობილი უკავშირდება თუ არა წყლით ინტოქსიკაციას 50-მდე ბავშვის მოწამვლა.