სამართლიანად ჩატარდა თუ არა არჩევნები
რესან კონცელიძე ბათუმში ინასარიძის ქუჩის მცხოვრებლებს შეხვდა
8-10-2020
პოლიტიკური გაერთიანება „ქართული ოცნება-დემოკრატიული საქართველოს“ ბათუმის მაჟორიტარი დეპუტატობის კანდიდატი, რესან კონცელიძე, საარჩევნო კამპანიის ფარგლებში,“ქართული ოცნება-დემოკრატიული საქართველოს“ აჭარის რეგიონული ორგანიზაციის თავმჯდომარესთან, თორნიკე რიჟვაძესთან და ბათუმის მერის მოვალეობის შემსრულებელთან, არჩილ ჩიქოვანთან ერთად, ინასარიძის ქუჩის მცხოვრებლებს შეხვდა.
„არაფერია ჩემთვის იმაზე ღირებული და ძვირაფასი, ვიდრე ჩემი ბათუმი, ბათუმელები და, დღეს, როდესაც მსოფლიო პანდემია თითოეული ოჯახის კეთილდღეობას შეეხო, განსაკუთრებით საყურადღებოა თითეული მოქალაქის სოციალური მდგომარეობის გათვალისწინება და უკეთესი ხვალინდელი დღისათვის მაქსიმალურად სწორი, შედეგიანი ნაბიჯების შემუშავება. ყველას გვესმის, რომ კეთილდღეობა ერთ დღეში არ მიიღწევა. სასურველ შედეგამდე მისვლას უწყვეტი მუშაობა და მაქსიმალური ძალისხმევა სჭირდება. ეს კი მხოლოდ ერთად, საერთო მუშაობითა და ერთმანეთის გვერდით დგომით არის შესაძლებელი“, - განაცხადა რესან კონცელიძემ.
მაჟორიტარობის კანდიდატმა ქვეყანაში არსებულ პანდემიურ ვითარებაზე გაამახვილა ყურადღება, მოსახლეობის პრობლემები მოისმინა და სამოქმედო გეგმაზე ისაუბრა.
