აჭარაში ინფიცირების ახალი შემთხვევების კლება შეინიშნება

8-10-2020

აჭარის მთავრობის თავმჯდომარის ხელმძღვანელობით კორონა ვირუსთან დაკავშირებით შექმნილი ოპერატიული შტაბის სხდომა გაიმართა, რომელსაც შტაბის წევრებთან ერთად ჯანდაცვის მინისტრის მოადგილე თამარ გაბუნია ესწრებოდა.

შეხვედრაზე განიხილეს რეგიონში არსებული ეპიდემიოლოგიური ვითარება და დაიგეგმა სხვადასხვა კლინიკებიდან დამატებით ექიმების მობილიზება.

აჭარაშო იკვეთება ინფიცირების ახალი შემთხვევების კლება და სტაბილიზაციის ტენდენცია. დღეს გამოჯანმრთელდა 230 პირი. გასული დღე-ღამის განმავლობაში ჩატარდა 1200-მდე PCR ტესტი, გამოვლინდა დაინფიცირების 230 ახალი შემთხვევა.

გამოჯანმრთელდნენ და საკუთარ საცხოვრებელ გარემოს დაუბრუნდნე მოხუცთა სახლისა და გერიატრიული თავშესაფრის 29 ბენეფციარი. აჭარაში 2700-ზე მეტი პირი გამოჯანმრთელდა.

ავტონომიური რესპუბლიკის მთავრობის პრესსამსახურის ინფორმაციით, სრულ მზადყოფნაშია სამედიცინო დაწესებულები პაციენტების მისაღებად. ყოველდღიურად თავისუფალია 60-დან 100-მდე საწოლი.

„გვაქვს სასიხარულო და საიამოვნო ინფორმაცია, გამოჯანმრთელდნენ და თავაინთ საცხოვრებელ გარემოს დაუბრუნდნენ მოხუცთა სახლისა და გერიატრიული თავშესაფრის 29 ბენეფიციარი. რეგიონში ყოველდღიურად იზრდება გამოჯანმრთელებულ პაციენტთა რაოდენობა.

რეგიონში კვლავ ეპიდემოიოლოგიურად საყურადღებო ვითარებაა და აუცილებელია იმ ყველა რეკომენდაციის შესრულება რომელიც მოწოდებულია ჯანდაცვის ორგანიზაციების მიერ, იმისთვის რომ შევინარჩუნოთ კლების დინამიკა უნდა დავიცვათ ყველა მოწოდება, რომელიც არის არერთხელ გაჟღერებული“,- განაცხადა აჭარის ჯანდაცვის მინისტრმა ნინო ნიჟარაძემ.

გაეროს ბავშთა ფონდმა გამოყო ორსული ქალებისა და კორონავირუსით ინფიცირებული ბავშვების ოჯახების საკვები პროდუქტები, საკვები დანამატები და ჰიგიენური საშუელბები, ისინი ამ დახმარებას ეტაპობრივად მიიღებენ.