გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ნოემბერი 2020    »
 1
2345678
9101112131415
16171819202122
23242526272829
30 

ვასილ ჩიგოგიძე ჩოხატაურში: მუნიციპალიტეტის განვითარებას ჩვენ ერთად გავაგრძელებთ

15-10-2020

„ქართული ოცნების“ოზურგეთის, ლანჩხუთის და ჩოხატაურის მაჟორიტარი დეპუტატობის კანდიდატი ვასილ ჩიგოგიძე მოსახლეობასთან შეხვედრებს განაგრძობს. კანდიდატი ჩოხატაურის სოფლების - დიდივანის, შუასურების და სურების მოსახლეობას შეხვდა.

შეხვედრაზე მუნიციპალიტეტში ხელისუფლების პირობებში ჩატარებულ სხვადასხვა ინფრასტრუქტურულ სამუშაოზე ისაუბრეს, იმსჯელეს სოფლებში არსებულ გამოწვევებზე. ვასილ ჩიგოგიძემ ადგილობრივებს ასევე გააცნო საარჩევნო პროგრამა და სამომავლო გეგმები.

„ ჩოხატაურის სოფლებში არაერთი ინფრასტრუქტურული პროექტი განხორციელდა. დაიგო ჩოხატაური - დიდივანის დამაკავშირებელი 6 კმ - იანი გზა, სოფელ შუა სურებში აშენდა ახალი საჯარო სკოლა, ზემოსურებში აშენდა ახალი ამბულატორია და რეაბილიტაცია ჩაუტარდა საჯარო სკოლას, მიმდინარეობს შიდა სასოფლო გზების რეაბილიტაცია, მოეწყო სახიდე გადასასვლელები.

15 წლის განმავლობაში სოფელს არ მიეწოდებოდა სისტემური ელექტროენერგია, 2014 წელს კი ეს პრობლემა გადაიჭრა. გამოწვევები და პრობლემები კვლავ რჩება, რის მოგვარებასაც ვგეგმავ. მინდა თითოეულ მოქალაქეს მადლობა გადავუხადო მხარდაჭერისთვის. ჩვენ, ერთად გავაგრძელებთ მუნიციპალიტეტის განვითარებას“ - განაცხადა ვასილ ჩიგოგიძემ.

შეხვედრას ესწრებოდნენ ჩოხატაურის საოლქო ორგანიზაციის წარმომადგენლები და შტაბის ხელმძღვანელი ირაკლი კუჭავა.