სამელიორაციო მომსახურების 2020 წლის დანაზოგმა 3 733 020 ლარი შეადგინა

16-10-2020

ფერმერები, რომლებიც ირიგაციისა და დრენაჟის მომსახურებას 10 ჰა-მდე მიწის ფართობზე იღებენ, სოფლის მეურნეობის ანტიკრიზისული გეგმის „ზრუნვა სოფელზე და ფერმერებზე“ ფარგლებში დაწესებული შეღავათით სარგებლობენ, 2020 წლის სამელიორაციო მომსახურების გადასახადისგან თავისუფლდებიან.
შპს საქართველოს მელიორაციის ინფორმაციით, 16 ოქტომბრის მონაცემებით, დაწესებული სახელმწიფო შეღავათით ისარგებლა და 2020 წლის სამელიორაციო მომსახურების გადასახადისგან გათავისუფლდა 33 325 აბონენტი. ბენეფიციართა დანაზოგმა 3 733 020 ლარი შეადგინა.

უწყების ცნობით, გარდა ამისა, სოფლის მეურნეობის ანტიკრიზისული გეგმის „ზრუნვა სოფელზე და ფერმერებზე“ ფარგლებში, წყალმომხმარებლებს სრულად ჩამოეწერათ 2020 წლამდე შპს „საქართველოს მელიორაციის“ მიმართ არსებული დავალიანება.