გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ვახტანგ გომელაური: მინდა, დიდი მადლობა გადავუხადო ავთო გალდავას, რომელმაც თავისი სიცოცხლე გაწირა

22-10-2020

მე მინდა, დიდი მადლობა გადავუხადო ბატონ ავთო გალდავას, რომელმაც თავისი სიცოცხლე გაწირა. ეს არ არის ადვილი საქმე, დამერწმუნებით. არც ჩემთვის იყო ადვილი ამ გადაწყვეტილების მიღება, რომ თანამშრომელი გაგვეგზავნა- ამის შესახებ შინაგან საქმეთა მინისტრმა, ვახტანგ გომელაურმა ზუგდიდში, ჟურნალისტებთან საუბარში განაცხადა. მისი თქმით, სამართალდამცველებმა ყველაფერი გააკეთეს თავდამსხმელის დასაკავებლად, თუმცა რთული იყო და ვერც ერთი ადამიანის სიცოცხლეს ვერ გაწირავდნენ.

„რაც ყველაზე მთავარი იყო, ჩვენი თანამშრომელი მივიდა, შევთავაზეთ, რა თქმა უნდა, რომ ჩვენ გამოგყვებით 5 კაცი, 10 კაცი, რამდენიც შენ გინდა. ამაზე რა თქმა უნდა, უარი გვითხრა. თავიდან უარს აცხადებდა, შემდეგ დაგვთანხმდა ერთ ადამიანზე და მე მინდა, დიდი მადლობა გადავუხადო ბატონ ავთო გალდავას, რომელმაც თავისი სიცოცხლე გაწირა. ეს არ არის ადვილი საქმე, დამერწმუნებით. არც ჩემთვის იყო ადვილი ამ გადაწყვეტილების მიღება, რომ თანამშრომელი გაგვეგზავნა. ეს ადამიანი ცოცხალი ან დაბრუნდებოდა, ან არა. არავინ იცოდა. ურთულესი გადაწყვეტილება მივიღე, ჩემთვის ეს ძალიან მძიმე იყო და რა თქმა უნდა, ბატონი ავთოსთვის იყო ძალიან მძიმე. რთულია, თუმცა ერთი წამით უარი არ უთქვამს და არ შეუდრეკია თავისი გმირული ნაბიჯი. წარბი არ შეუხრია და მადლობა მინდა ვუთხრა.
რაც მოხდა, კი იცით. თავიდან სთხოვა, მარტო ეს გაყოლოდა, თუმცა მან უარი უთხრა, მარტო შენთან ერთად არ წამოვალო და მძევლებიც წაიყვანა, 3 ადამიანი, რომლებიც რამდენიმე საათი მანქანით მოძრაობდნენ იმისთვის, რომ მიმალულიყო. ეს ადამიანი გადავიდა. ჩვენ ყველაფერი გავაკეთეთ იმისთვის, რომ დაგვეკავებინა, თუმცა რთული იყო. ვერ გავწირავდით ვერც ერთი ადამიანი სიცოცხლეს. გამთენიისას მანქანიდან გადავიდა და მიიმალა“- განაცხადა ვახტანგ გომელაურმა.